पुढील उतारा वाचून त्याखालील प्रश्न क्र. १११ ते ११५ ची उत्तरे निवडा. पावसाळा संपतो आणि निसर्ग हिरव्या रंगाची मुक्त उधळण करत येतो. सरोवरे, शेते, नद्या, नाले या ठिकाणी हिरव्या रंगाचे जणू मुक्त प्रदर्शन भरते. हिरव्या रंगाची विशाल वस्त्रे परिधान करून उभे असलेले गिरिराज, त्याचप्रमाणे हिरवा शालू नेसलेली शेते आणि त्यांच्या कडेला फुललेली तरड, तेरडा, तीळ, झेंडू यांची पिवळी फुले म्हणजे हिरव्या साडीची पिवळी किनारच जणू! सरोवरातील विविधरंगी कमळे पाहून मन आनंदाने तृप्त होऊन जाते. कमळाच्या वर्तुळाकार पानांनी भरलेली सरोवरे पाहिली की, असे वाटते या निसर्गसुंदरीच्या कपाळावर कुणीतरी हिरवी टिकली गोंदली आहे. जास्वंदीच्या झाडातून डोकावून पाहणारी तिची लाल फुले पाहून वाटते, लाल तुच्याचा हा कोंबडा जणू पहाटेची बांग देत आहे. झ-याच्या झुळूझुळू वाहणाच्या पाण्याचा आवाज ऐकून वाटत, वनराणी जणू पायात चाळ घालून नृत्य करत आहे. तुरे नाचवणारी लिलीची पाढरीशुभ्र फुले पाण्याच्या कारज्यांची आठवण करून देतात. उद्यानातील मोगरा, जाई, जुई इत्यादींच्या फुलवेलींवरील फुले पाहून सुंदरललना टपोरी फुले केसात माळून नटल्या आहेत असे वाटते. असा हा निसर्गसौंदर्याचा उत्तम आविष्कार पाहन डोळ्यांचे पारणे फिटते. 111. हिरव्या रंगाचे मुक्त प्रदर्शन कधी भरते ?

• A. पावसाळ्याच्या सुरुवातीला
• B. हिवाळा संपतो तेव्हा
• C. उन्हाळ्याच्या सुरुवातीला
• D. पावसाळा संपतो तेव्हा