खालील उतारा वाचून त्यावरील प्रश्नांची सुयोग्य उत्तरे द्या. पण तितक्यात माझ्या मनानं उचल खाल्ली अन् मी विचार करू लागलो, की हा पांढरा केस नाहीसा करण्याची अगर लपविण्याची गरज काय आहे? असेना तो? जवानी अगर म्हातारपण केसाच्या रंगावर का अवलंबून आहे? ती एक मनाची व अंत:करणाची अवस्था आहे. तारुण्य अगर वार्धक्य विचाराच्या जोमावर अगर शैथिल्यावर अवलंबून आहे. या जगात ज्यांच्या मस्तकावरचे केस अगदी काळेभोर आहेत पण ज्यांच्या अंत:करणातील विचार थकलेले आणि भागलेले आहेत असे म्हातारे काय कमी दृष्टीस पडतात? ज्यांच्या मस्तकावर काळ्याभोर केशकलापाचं आच्छादन आहे, पण ज्यांच्या आचारविचारात यत्किंचितही जवानी नाही अशा व्यक्ती आपल्याला प्रत्यही दिसतात. एका राजाचा तरुण वकील परराष्ट्राच्या दरबारात गेला असता, ‘हा बिनदाढीचा वकील; याला राजकारण काय कळणार?' असा जेव्हा तेथल्या वृद्ध मंत्र्यांनी त्याचा उपहास केला, तेव्हा शहाणपण केसात नसतं !' असा रोखठोक जबाब त्या तरुणाने दिल्याची गोष्ट आमच्या वेळच्या क्रमिक पुस्तकात वाचल्याचं मला आठवतं. शहाणपण जसं केसात नाही तसंच तारुण्यही केसांच्या रंगात नाही. मला माझी जवानी कायम ठेवायची असेल तर मला खरी काळजी घेतली पाहिजे माझ्या अंत:करणाची. तरुण पिढीच्या विचारांशी, भावनांशी, महत्त्वाकांक्षांशी, सुखस्वप्नांशी समरस होण्याची माझी हौस आणि ताकद मी कायम ठेवली पाहिजे. नव्या जगात उदय पावणाच्या नव्या कल्पनांचं, तत्त्वांचं आणि सिद्धान्तांचं मर्मग्रहण करण्याचं सामर्थ्य माझ्या अंगी सतत राहिलं पाहिजे. नव्या सामाजिक अगर राजकीय प्रयोगांची मला भीती वाटण्याऐवजी उत्सुकता वाटत राहिली पाहिजे. अशा प्रकारे जगात मी तरुण वृत्तीनं मिसळू शकलो, की माझं तारुण्य सतत कायमच राहील. जोपर्यंत तरुण पिढीला माझ्या विचारांनी मी आकर्षित करू शकतो तोपर्यंत मी तरुणच राहणार Q.वरील उता-यात असलेल्या 'आकर्षित करणे' या क्रियापदाचा विरुद्धार्थी पर्याय कोणता?

• A. दूर लोटणे
• B. परावृत्त करणे
• C. मागे टाकणे
• D. द्वेष करणे प्रश्न