खालील उतारा वाचून त्याखालील प्रश्न क्रमांक ४६ ते ५० ची उत्तरे लिहा. मला इथं मूळ धर्म म्हणजे मानवी धर्म, माणूस धर्म वगैरे काहीच म्हणायचं नाही. आपण फक्त ज्यांना स्वत:ची नावं आहेत तेवढ्याच धर्माबद्दल बोलू या. म्हणजे हिंदू, मुस्लीम, ख्रिश्चन वगैरे ... मूळ मानवी धर्म, माणूस धर्म यांचा आपल्याला आवाकाच राहिलेला नाही. सगळं जग धर्माच्या ढोंगांनी एवढं बरबटलंय, की त्या खातेच्यातून मूळ मानवी धर्मापर्यंत जायला शतकानुशतकं लागतील. आज किती भयानक चित्र आहे? कुणाही हिंदूला आपण हिंदू आहोत म्हणजे काय, ते कळत नाही. कुणाही मुसलमानाला आपण मुसलमान आहोत म्हणजे काय, ते कळत नाही. असं सगळ्याच लोकांचं आणि सगळ्याच धर्माचं धार्मिक भरीत झालं आहे आणि तरीही हे लोक स्वत:ला धार्मिक म्हणवतात? धर्माचा फुकटचा अभिमान बाळगत एकमेकांवर तुटून पडतात? मी ठामपणे सांगतो की, ज्याला स्वत:चा धर्म नीट माहीत आहे, ज्याचा स्वत:च्या धर्माचा बारकाईने अभ्यास आहे आणि जो स्वत:च्याच धर्माचे नियम काटेकोरपणे पाळतो, तो माणूस कधीही दस-याशी वैर बाळगणार नाही. कुणाशीही दंगल करायला जाणार नाही. कुणाचाही द्वेष करणार नाही. तो स्वत: शांत जगेल आणि दुस-यालाही शांततेनं जगू देईल. आजचं जग अशांत राहायला, अस्वस्थ राहायला हे स्वत:च्याच धर्माबाबत अडाणी असलेले लोक कारणीभूत आहेत, यांची स्वत:चेच धर्म पाळायची लायकी नाही, तर हे या धर्माच्या चौकटीबाहेर असणारा उदात्त आणि मूलभूत मानवी धर्म काय पाळणार आहेत? 49. आजचे जग अशांत व अस्वस्थ राहायला कारणीभूत असणारे लोक कोण ?

• A. स्वत:च्याच धर्माबाबत अडाणी असणारे
• B. स्वत:च्या धर्माचा बारकाईने अभ्यास करणारे
• C. स्वतः शांत जीवन जगणारे
• D. दुस-याशी वैरभाव न बाळगणारे